-
कालोपाटी सम्बाददाता
काठमाडौँ । काठमाडौँ महानगरपालिकाले माइतीघरको नाम फेर्ने भएको छ । महानगरले सांस्कृतिक महत्व झल्काउने नाम ‘फिब्वः ख्यः’ प्रचलनमा ल्याउने बताएको हो । महानगरभित्रका मौलिक सांस्कृतिक नाम पुनःस्थापना गर्ने अभियानअन्तर्गत महानगरले नाम फेर्न लागेको बताएको छ ।
स्थान नाम परियोजनाअन्तर्गत महानगरभित्रका सांस्कृतिक, पुरातात्वतिक र ऐतिहासिक महत्वका मौलिक नामहरु पुनःस्थापना गर्ने तयारी भएको महानगर प्रमुख बालेन्द्र शाहका मिडिया सहजकर्ता सुरेन्द्र बजगाईंले जानकारी दिए ।
माइतीघर फिल्म निर्माणका बेला कार्यालय रहेका कारण यो ठाउँको चलनचल्तीको नाम माइतीघर रहन गएको हो ।
