कालीमाटीमा मृत भेटिएकी जानुका सुर्खेतीको लिभर समस्याले मृत्यु भएको खुलासा

काठमाडौँ । मङ्सिर ७ मा काठमाडौँको कालीमाटीस्थित सडकमा मृत भेटिएकी ४५ वर्षीया जानुका सुर्खेतीको कलेजोको समस्याको कारण मृत्यु भएको खुलेको छ ।

त्रिवि शिक्षण अस्पतालका फरेन्सिक चिकित्सकले गरेको पोस्टमार्टम रिपोर्टअनुसार लिभरको समस्याका कारण उनको मृत्यु भएको देखिएको हो ।

उनको शव बोकेर हिँड्ने बझाङ घर भएका २२ वर्षीय कवीन्द्र बोहरालाई पक्राउ गरेर प्रहरीले अनुसन्धान गरिरहेको छ । बोहराले शव काँधमा बोकेर सडकमा फालेका हुन् ।

सुर्खेतीको हत्यामा संलग्न आशंकामा पक्राउ गरिएका युवक यसअघि पनि धेरै पटक अपराधमा संलग्न भएर पक्राउ परेका थिए । यसअघि उनी १० पटक पक्राउ परेको उपत्यका अपराध अनुसन्धान कार्यालयका एसपी काजीकुमार आचार्यले जानकारी दिए । ।

उनले सुर्खेतीको शव बोकेको स्वीकार गरे पनि हत्या अस्वीकार गरेका छन् ।