-
कालोपाटी सम्बाददाता
काठमाडौँ । शुक्रबार सुनको भाउ तोलामा एक हजार दुई सय रुपैयाँले घटेको छ । सुन आज तोलामा १२ सय रुपैयाँले घटेर एक लाख ५३ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको एक लाख ५४ हजार दुई सय रुपैयाँ रहेको थियो ।
त्यस्तै आज चाँदीको भाउ पनि तोलामा ६५ रुपैयाँले घटेको छ । आज चाँदीको भाउ तोलामा एक हजार आठ सय ६० रुपैयाँमा कारोबार भइरहेको महासङ्घले जनाएको छ । हिजो भने सुनचाँदीको भाउमा घटबढ भएको थिएन ।
