-
कालोपाटी सम्बाददाता
काठमाडौँ । भोलिदेखि पुस १५ गतेसम्म चितवनमा मह उत्सव हुने भएको छ ।
प्रधानमन्त्री कृषि आधुनिकीकरण परियोजनाका मौरीजोन कार्यक्रम अधिकृत रविकिरण अधिकारीका अनुसार महोत्सव स्थलमा १० वटा बिक्री कक्ष राखेर त्यहाँ आउने जोकोहीलाई मह चखाइने छ । परियोजनाले मौरी जोनअन्तर्गतका मौरीपालक उद्यमी किसानका उत्पादन प्रवर्द्धन गर्ने उद्देश्यले बजारीकरण, ‘प्याकेजिङ, लेबलिङ’ मा सहयोग गर्दै आएको छ ।
नेपाल मौरीपालक महासङ्घका पूर्वअध्यक्ष शिव शर्माले मह उत्सवले मौरीपालक किसानमा उत्साह भरेको बताउनुभयो । चितवनमा गएको वर्ष आठ सय मेट्रिक टन मह उत्पादन भएको थियो ।
