इजरायलमा एक हजार केयर गिभर लैजाने प्रकिया सुरु

काठमाडौँ । वैदेशिक रोजगार विभागले इजरायलको दीर्घकालीन स्याहार केन्द्रमा सहायक कामदार (केयर गिभर) को रुपमा एक हजार नेपाली श्रमिक पठाउने प्रक्रिया अगाडि बढाएको छ । जसमध्ये पहिलो चरणमा महिला ६ सय जना र पुरुष चार सय जना रहेका छन् ।

इजरायलले गत असोजमा नै गोलाप्रथाबाट इजरायल जाने श्रमिकको नाम छनोट गरेको थियो । त्यतिखेर इजरायल र हिजबुल्लाहबीचको लडाइँले थप तनाव बढेपछि सरकारले तत्कालको लागि इजरायल पठाउने प्रक्रिया स्थगित गरेको थियो ।

इजरायल र हिजबुल्लाहबीच युद्ध विराम भएपछि परराष्ट्र मन्त्रालयको सहमतिमा श्रम, रोजगार तथा सामाजिक सुरक्षा मन्त्रालयले स्थगित भर्ना प्रक्रियालाई अगाडि बढाएको हो ।