अब नेपालको गुणस्तरलाई भारतको पनि मान्यता

काठमाडौं । अब नेपालको गुणस्तरलाई भारतले पनि मान्यता दिने भएको छ । काठमाडौंमा दुई देशका वाणिज्य सचिवस्तरीय बैठकमा यस्तो सहमत भएको हो।

नेपाल गुणस्तर तथा नापतौल विभाग र ब्यूरो अफ इण्डियन स्टान्डर्डबीच औद्योगिक उत्पादनहरुको गुणस्तर परिक्षण गर्न सहमत भएका छन्। खाद्यान्य लगायत खान पिनका विषयमा नेपाल खाद्य प्रविधि तथा गुण नियन्त्रण विभाग तथा भारतीय खाद्य सुरक्षा तथा गुणस्तर प्राधिकरणबीच गुणस्तर परीक्षण, सर्टिफिकेसन, पारस्परिक मान्यता जस्ता विषयमा पारस्परिक कार्य अघि बढाउन र क्षमता विकासमा सहयोग आदान प्रदान गर्ने विषयमा छलफल तथा सहमति भएको छ।

उद्योग वाणिज्य तथा आपूर्ति मन्त्रालयका सहसचिव बाबुराम अधिकारीले नेपाली ल्यावमा परिक्षण भएको वस्तु भारतले थप गुणस्तर चिन्ह लिनु नपर्ने विषयमा सहमति भएको बताए।