आइतबार १९.८५ अंकले घट्यो नेप्से परिसूचक, ९ अर्ब १० करोडमाथिको कारोबार

काठमाडौँ । साताको कारोबारको पहिलो दिन आइतबार सेयर बजार मापक नेप्से परिसूचक घटेको छ । आइतबार नेप्से परिसूचक १९।८५ अंकले घटेर २६९४.२० बिन्दुमा पुगेको हो । नेप्सेमा कुल ३२९ कम्पनीको २ करोड २० लाख ६० हजार ४५४ कित्ता सेयर खरिद बिक्री हुँदा रू९ अर्ब १० करोडमाथिको सेयर कारोबार भएको छ

। आज सबैभन्दा धेरै कारोबार आँखुखोला जलविद्युत् कम्पनी लिमिटेडको भएको छ । यस कम्पनीको ५५ करोड ५२ लाख रुपैयाँ बराबरको कारोबार भएको छ ।

आजको बजारमा मिथिला लघुवित्त वित्तीय संस्था लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य ९ प्रतिशतभन्दा धेरैले बढेको छ । यता, कर्पोरेट डेभलपमेन्ट बैंक लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको छ ।