बालबालिकामाथि दुर्व्यवहार गरेको आरोपमा इस्कोनका सञ्चालक पक्राउ

काठमाडौँ । अन्तर्राष्ट्रिय कृष्णभावनामृत संघ (इस्कोन)का सञ्चालक सुरजकृष्ण श्रेष्ठलाई प्रहरीले पक्राउ गरेको छ ।
इस्कोनमा अध्ययनरत बालबालिकामाथि दुर्व्यवहार गरेको आरोपमा श्रेष्ठलाई पक्राउ गरिएको हो ।

बालबालिकाले आफूमाथि दुर्व्यवहार भएको भन्दै उजुरी दिएपछि प्रहरीले श्रेष्ठमाथि बालबालिका सम्बन्धी कसुरमा अनुसन्धान सुरु गरेको छ । काठमाडौँ , बुढानीलकण्ठ नगरपालिका–५ स्थित अन्तर्राष्ट्रिय कृष्णभावनामृत संघ (इस्कोन)का एक जना सञ्चालकलाई प्रहरीले पक्राउ गरेको छ ।

सञ्चालक सुरजकृष्ण श्रेष्ठलाई पक्राउ गरिएको जिल्ला प्रहरी परिसर काठमाडौँका एसपी पवन भट्टराईले रातोपाटीलाई बताए ।

इस्कोनमा अध्ययनरत बालबालिकामाथि दुर्व्यवहार गरेको आरोपमा उनलाई प्रहरीले पक्राउ गरेको हो । केही दिनअघि पक्राउ गरेर श्रेष्ठमाथि अनुसन्धान सुरु गरिएको एसपी भट्टराईले बताए ।

प्रहरीले उनीमाथि बालबालिका सम्बन्धी कसुरमा अनुसन्धान गरिरहेको छ । आफूमाथि दुर्व्यवहार भएको भन्दै इस्कोनका सञ्चालक विरुद्ध बालबालिकाले उजुरी दिएका थिए । उजुरीपछि उनी पक्राउ परेका हुन् ।