सुनचाँदी
विनिमयदर
मिति रुपान्तरण
पेट्रोलको भाउ
तरकारी / फलफूल
मेरो एउटा कुरा छ
AQI
मौसम
स्न्याप
रेडियो लाइभ
बैंक ब्याजदर
युनिकोड टुल्स
सेयर मार्केट्स
राशिफल
सिनेमा बोर्ड
निर्वाचन पोर्टल
काठमाठौँ । ललितपुर महानगरपालिकाले स्वास्थ्य सहायक, कम्प्युटर अपरेटर, तामेलदार तथा सवारी चालकसहित विभिन्न पाँच पदमा ३१ जना कर्मचारी करार सेवामा नियुक्त गर्न आवेदन आह्वान गरेको छ।
महानगरपालिकाले २०८३ असार २६ गते सूचना प्रकाशित गर्दै आवश्यक योग्यता पुगेका इच्छुक नेपाली नागरिकलाई सूचना प्रकाशित भएको मितिले १५ दिनभित्र आवेदन दिन आग्रह गरेको हो। आवेदन दिने अन्तिम मिति २०८३ साउन ८ गते तोकिएको छ।
अन्तिम दिन सार्वजनिक बिदा परेमा त्यसको भोलिपल्ट कार्यालय खुलेको दिनसम्म आवेदन दिन सकिने सूचनामा उल्लेख छ।
यो पनि पढ्नुहोस्- विभिन्न सरकारी निकायमा ५०१ पदमा रोजगारीको अवसर
कुन पदमा कति जनाको मागरु
पद तह खुला स्थानीय महिला आदिवासी जनजाति जम्मा
हेल्थ असिस्टेन्ट पाँचौँ ३ १ १ १ ६
कम्प्युटर अपरेटर पाँचौँ २ १ १ १ ५
तामेलदार चौथो २ — — — २
हेभी सवारी चालक तहविहीन २ १ १ — ४
हलुका सवारी चालक तहविहीन ७ २ ३ २ १४
कुल १६ ५ ६ ४ ३१
हेल्थ असिस्टेन्ट पद महानगरपालिकाबाट सञ्चालन भइरहेको चिकित्सकसहितको निःशुल्क एम्बुलेन्स सेवाका लागि माग गरिएको हो।
आवश्यक शैक्षिक योग्यता
१. हेल्थ असिस्टेन्ट
मान्यता प्राप्त शिक्षण संस्थाबाट सामान्य चिकित्सामा प्रमाणपत्र तह उत्तीर्ण गरेको हुनुपर्नेछ। आकस्मिक चिकित्सकीय प्राविधिक तालिम प्राप्त स्वास्थ्यकर्मीलाई विशेष प्राथमिकता दिइने सूचनामा उल्लेख छ।
नेपाल स्वास्थ्य व्यवसायी परिषद्मा दर्ता वा नवीकरण भएको प्रमाणपत्र पनि पेस गर्नुपर्नेछ।
२. कम्प्युटर अपरेटर
उम्मेदवारले मान्यता प्राप्त शिक्षण संस्थाबाट कम्प्युटर विषय लिएर प्रवीणता प्रमाणपत्र तह वा सोसरह उत्तीर्ण गरेको हुनुपर्नेछ।
अन्य विषयमा प्रवीणता प्रमाणपत्र तह वा सोसरह उत्तीर्ण गरेका उम्मेदवारले दर्ता भएको संस्थाबाट कम्तीमा ६ महिनाको कम्प्युटरसम्बन्धी तालिम प्राप्त गरेको हुनुपर्नेछ।
३. तामेलदार
एसईई वा सोसरह उत्तीर्ण गरेको हुनुपर्नेछ।
४. हेभी सवारी चालक
सामान्य लेखपढ गर्न सक्ने र हेभी सवारी चालक अनुमतिपत्र प्राप्त गरेको हुनुपर्नेछ। सम्बन्धित सवारी चलाएको कम्तीमा पाँच वर्षको अनुभव आवश्यक छ।
५. हलुका सवारी चालक
सामान्य लेखपढ गर्न सक्ने तथा ‘एफ’ वर्गको सवारी चालक अनुमतिपत्र प्राप्त गरेको हुनुपर्नेछ। हलुका सवारी चलाएको कम्तीमा पाँच वर्षको अनुभव आवश्यक छ।
उमेर सीमा
आवेदन दिने अन्तिम मितिसम्म उम्मेदवारलेस्
कम्तीमा १८ वर्ष पूरा गरेको हुनुपर्नेछ।
पुरुष उम्मेदवारको उमेर ३५ वर्ष ननाघेको हुनुपर्नेछ।
महिला उम्मेदवारको उमेर ४० वर्ष ननाघेको हुनुपर्नेछ।
आवेदन दस्तुर
पाँचौँ तहका पदका लागि ७०० रुपैयाँ आवेदन दस्तुर तोकिएको छ।
चौथो तह र तहविहीन पदका लागि ५०० रुपैयाँ दस्तुर लाग्नेछ। समावेशी समूहमा थप आवेदन दिने उम्मेदवारले प्रत्येक थप समूहका लागि १५० रुपैयाँ अतिरिक्त बुझाउनुपर्नेछ।
आवेदन दस्तुर महानगरपालिकाले सूचनामा उल्लेख गरेको नेपाल बैंक लिमिटेडको राजस्व खातामा जम्मा गरी सक्कल नगदी रसिद वा भौचर आवेदनसँग पेस गर्नुपर्नेछ।
आवेदनसँग पेस गर्नुपर्ने कागजात
उम्मेदवारले आवेदन फारामसँग निम्न कागजात संलग्न गर्नुपर्नेछ:
- भरिएको आवेदन फाराम एक प्रति
- न्यूनतम शैक्षिक योग्यताका प्रमाणपत्रहरूको प्रतिलिपि
- नेपाली नागरिकताको प्रमाणपत्रको प्रतिलिपि
- हालसालै खिचिएको पासपोर्ट साइजको फोटो तीन प्रति
- चालक पदका लागि सम्बन्धित सवारी चालक अनुमतिपत्र
- हेल्थ असिस्टेन्टका लागि नेपाल स्वास्थ्य व्यवसायी परिषद्मा दर्ता वा नवीकरण भएको प्रमाणपत्र
- सम्बन्धित तालिम तथा कार्यअनुभवका प्रमाणपत्रहरूको प्रतिलिपि
आवेदन कहाँ बुझाउनेर?
आवेदन फाराम ललितपुर महानगरपालिका, नगर कार्यपालिकाको कार्यालय, पुल्चोक, ललितपुरमा बुझाउनुपर्नेछ।
आवेदन फाराम र परीक्षाको पाठ्यक्रम ललितपुर महानगरपालिकाको वेबसाइट बाट प्राप्त गर्न सकिनेछ।
परीक्षा तथा छनोट प्रक्रिया
हेल्थ असिस्टेन्ट र तामेलदार पदमा लिखित परीक्षा र अन्तर्वार्ता हुनेछ।
कम्प्युटर अपरेटर पदमा लिखित परीक्षा, प्रयोगात्मक परीक्षा र अन्तर्वार्ता सञ्चालन गरिनेछ।
हेभी तथा हलुका सवारी चालक पदमा प्रयोगात्मक परीक्षा र अन्तर्वार्ता हुनेछ।
एउटा चरणमा सफल उम्मेदवारलाई मात्र अर्को चरणको छनोट प्रक्रियामा सहभागी गराइने महानगरपालिकाले जनाएको छ। परीक्षा मिति र परीक्षा केन्द्र पछि सार्वजनिक गरिनेछ।
करार अवधि र सुविधा
छनोट भएका कर्मचारीको करार अवधि २०८३ पुस मसान्तसम्म रहनेछ। तलब तथा अन्य सुविधा ललितपुर महानगरपालिकाको प्रचलित नियमअनुसार उपलब्ध हुनेछ।
महानगरपालिकाका स्थायी बासिन्दा तथा सम्बन्धित क्षेत्रमा अनुभव भएका उम्मेदवारलाई विशेष प्राथमिकता दिइने सूचनामा उल्लेख छ।
प्रतिक्रिया दिनुहोस्