बिहिबार ७८ जनामा कोरोना संक्रमण पुष्टी, २३ जना संक्रमण मुक्त

काठमाडौं । नेपालमा थप ७८ जनामा कोरोना संक्रमण पुष्टी भएको छ । देशभर गरिएको ३ हजार ५१५ जनाको पिसिआर परिक्षणका क्रममा ७८ जनामा संक्रमण पुष्टी भएको हो । जसमध्‍ये १ हजार ३८४ जनाको पीसीआर परीक्षण गर्दा ६० जना र २ हजार १३१ जनाको एन्टिजेन परीक्षण गर्दा १८ जना गरी ७८ जनामा संक्रमण देखिएको मन्त्रालयको भनाइ छ ।

स्वास्थ्य मन्त्रालयका अनुसार थप २३ जना संक्रमित निको भएका छन् । हाल नेपालमा ५ सय ८ सक्रिय संक्रमित आइशोलेशनमा रहेको मन्त्रालयले जनाएको छ ।