बालकृष्ण खाँणले अदालतमा पेश गरे ३० लाख बराबरको बैंक ग्यारेन्टी

काठमाडौँ । नक्कली भूटानी शरणार्थी प्रकरणका आरोपी नेपाली काँग्रेसका नेता तथा पूर्वगृहमन्त्री बालकृष्ण खाँणलाई जिल्ला अदालत काठमाडौँमा उपस्थित गराएको छ । शुक्रबार जिल्ला अदालत काठमाडौँ पुगेर खाँणले धरौटीको ३० लाख बराबरको बैंक ग्यारेन्टी पेश गरेका छन् ।

पूर्व गृहमन्त्री खाँणलाई बिहीवार उच्च अदालत पाटनले ३० लाख रुपैयाँ धरौटीमा छोड्न आदेश दिएसँगै छोड्नको लागि प्रक्रिया पुर्याउन जिल्ला अदालतमा उपस्थित गराएको हो । सम्पत्ति शुद्धीकरण अनुसन्धान विभाग र अख्तियार दुरुपयोग अनुसन्धान आयोगमा उपस्थित गराएपछि मात्र खाँणलाई छोडिने छ ।