नेप्से सामान्य घट्यो, कारोबार रकम साढे २ अर्ब पनि पुगेन

काठमाडौँ । हप्ताको पहिलो कारोबार दिन आज सोमवार शेयर बजार सामान्य घटेको छ । शेयर बजार परिसूचक नेप्से आज १ दशमलव ०३ अङ्कले घटेर २ हजार ७३० दशमलव ९१ विन्दुमा झरेको छ ।

आज बैंक, विकास बैंक, जलविद्युत्, लगानी, अन्य बाहेक सबै समूहको सूचक घटेको छ । आज १३२ वटा कम्पनीको शेयर घटेकोमा ११९ वटाको बढेको छ । यस्तै १८ वटा कम्पनीको शेयर भने घटबढ भएको छैन ।

आज निफ्रा ऊर्जा ऋणपत्रको शेयर ५ प्रतिशतभन्दा धेरैले घटेको छ । बजार सामान्य घटेको दिन इङ्गवा हाइड्रोपावरको शेयर ८ प्रतिशतभन्दा धेरैले बढेको छ ।

आज नेप्सेसँगै कारोबार रकम पनि घटेको छ । गएको शुक्रवार ३ अर्ब ९ करोडको कारोबार भएकोमा आज ३३९ वटा कम्पनीका ५८ लाख २८ हजार कित्ता शेयर २ अर्ब ४५ करोड रुपैयाँमा कारोबार भएको छ ।