-
कालोपाटी सम्बाददाता
काठमाडौँ । त्रिभुवन विश्वविद्यालय इन्जिनियरिङ अध्ययन संस्थानले शैक्षिक सत्र २०७८ र ०७९ को स्नातक तह बी.ई र बी.आर्क कार्यक्रममा भर्ना खुला भएको छ । संस्थानले सिभिल इन्जिनियरिङ, इलेक्ट्रिकल इन्जिनियरिङ, इलेक्ट्रोनिक्सलगायतका १२ वटा कार्यक्रमका लागि आवेदन माग गरेको हो ।
संस्थानले सूचना जारी गर्दै प्राप्त आवेदनहरूको आधारमा कम्प्युटर विधिमार्फत संचालन गरिने प्रवेश परीक्षा फागुन ८ गतेदेखि इन्जिनियरिङ अध्ययन संस्थान, सूचना तथा संचार प्रविधि केन्द्र पुल्चोकमा सञ्चालन गरिने उल्लेख गरेको हो ।
त्रिविले पाँच आंगिक क्याम्पसहरू र १० सम्बन्धन प्राप्त कलेजहरूको लागि आवेदन माग गरेको छ । इच्छुक विद्यार्थीले माघ १३ गते बिहान १० बजेदेखि २७ गते साँझ ५ बजेसम्म आवेदन दिन सक्नेछन् । विद्यार्थीले प्रवेश परीक्षा शुल्क बापतको रकम दुई हजार सिद्धार्थ बैंकको कुनै पनि शाखाबाट कुनै पनि सेवा उपयोग गरी जम्मा गर्न सक्ने संस्थानले जनाएको छ ।
