-
कालोपाटी सम्बाददाता
काठमाडौँ । सन्दीप लामिछानेविरुद्ध काठमाडौँ जिल्ला अदालतमा सुनुवाइ नसकिएपछि मुद्दालाई हेर्दा हेर्दैमा राखिएको छ । जिल्ला अदालत काठमाडौँमा दायर बलात्कार मुद्दाको अन्तिम सुनुवाइ जारी रहेको हो ।
लामो सयमदेखि अदालतमा अड्किएको यो मुद्दामा आइतबार भएको सुनुवाइ नसकिएपछि यो हेर्दा हेर्दैमा राखिएको छ । न्यायाधीश शिशिरराज ढकालको इजलासमा जारी सुनुवाइमा आज पहिला पीडिततर्फबाट सरकारी वकिलले बहस गरेका थिए ।
यस्तै, सरकारी वकिलले बहस सकेपछि पीडितका निजी कानुन व्यवसायीले पनि बहस गर्ने तालिका छ । पीडितका तर्फबाट बहस पूरा भएपछि अभियुक्त सन्दीपका तर्फबाट कानुन व्यवसायीले बहस गर्नेछन् ।
मुद्दाको अन्तिम सुनुवाइ सकिएपछि सन्दीपको मुद्दाले किनारा पाउनेछ ।
