-
कालोपाटी सम्बाददाता
काठमाडौँ । नेपालमा हाल उल्लेखनीय मौसमी प्रणाली नरहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ । अहिले कोशी प्रदेशका पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहेको छ ।
तराई क्षेत्रका अधिकांश क्षेत्रमा हुस्सु तथा कुहिरो लागेको छ । बिहीबार दिउँसो कोशी र गण्डकी प्रदेशको पहाडी भू-भागमा आंशिक बदली रही बाँकी भू-भाग मौसम सफा रहने छ ।
तराई क्षेत्रका अधिकांश भागमा हुस्सु र कुहिरो लाग्ने भएकाले दैनिक जनजीवन, स्वास्थ्य, यातायात तथा हवाइ यातायातमा प्रभाव पर्न सक्ने हुँदा यसको असरबाट बच्न महाशाखाले सबैलाई आग्रह गरेको छ । साथै, देशभर चिसो बढि रहेको हुँदा चिसोबाट बच्न आवश्यक उपाय अपनाउनसमेत महाशाखाले सबैमा अनुरोध गरेको छ ।
बिहीबार सूर्यास्त साँझ ५ बजेर २७ मिनेटमा हुने जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
