-
कालोपाटी सम्बाददाता
काठमाडौँ । बिहीबार सेयर बजार मापक नेप्से परिसूचक बढेको छ । बुधबारको तुलनामा आज नेप्से परिसूचक ६.७० अंकले बढेर २७६६ .३८ बिन्दुमा पुगेको हो ।
आज नेप्सेमा कुल ३ सय २२ कम्पनीको ५ करोड ९ लाख ४६ हजार ८ सय ३२ कित्ता सेयर खरिदबिक्री हुँदा २० अर्बमाथिको सेयर कारोबार भएको छ ।
बिहीबार सबैभन्दा बढी कारोबार शिवम् सिमेन्टको भएको छ । उक्त कम्पनीको १ अर्ब २० करोड ९० लाख ९ हजार ७ सय ९६ रुपैयाँ ५० पैसा बराबरको सेयर कारोबार भएको छ । यसैगरी आज सबैभन्दा धेरै नाफा कर्णाली डेभलपमेन्ट बैंकका लगानीकर्ताले कमाएका छन् । उक्त कम्पनीको सेयर मूल्यमा पोजेटिभ सर्किट लागेको हो ।
