-
कालोपाटी सम्बाददाता
काठमाडौँ । बुधबार सेयर बजार मापक नेप्से परिसूचक घटेको छ । आज नेप्से परिसूचक २२.७३ अंकले घटेर २६१०.३१ बिन्दुमा पुगेको हो ।
आज नेप्सेमा कुल ३ सय १७ कम्पनीको एक करोड ५४ लाख २८ हजार ७ सय २४ कित्ता सेयर खरिद बिक्री हुँदा ६ अर्बमाथिको सेयर कारोबार भएको छ ।
बुधबार सबैभन्दा धेरै कारोबार सीईडीबी हाइड्रोपावर डेभलपमेन्ट कम्पनीको भएको छ । उक्त कम्पनीको ३४ करोड ७३ लाख ६ हजार ८ सय ८५ रुपैयाँ बराबरको सेयर कारोबार भएको छ ।
आजको बजारमा विन नेपाल लघुवित्तका लगानीकर्ताले सबैभन्दा धेरै नाफा कमाएका छन् । उक्त कम्पनीको सेयर मूल्यमा पोजेटिभ सर्किट लागेको हो ।
