-
कालोपाटी सम्बाददाता
काठमाडौँ । चाँदीको नक्कली नोटको कारोबारमा संलग्न रहेको अभियोगमा एकजना पक्राउ परेका छन् । पक्राउ पर्नेमा भक्तपुर सूर्यविनायक नगरपालिका ८ सिपाडोलस्थित ईन्द्र ज्वेलर्स सुनचाँदी पसलका संचालक सोहिल शाक्य रहेका छन् । भक्तपुर नगरपालिका ७ बस्ने ३० वर्षीय सोहिल शाक्यलाई प्रहरीको केन्द्रीय अनुसन्धान ब्युरो (सीआईबी)को टोलीले पक्राउ गरेको हो ।
काठमाडौँ उपत्यकाका विभिन्न स्थानहरूमा नेपाल राष्ट्र बैंकबाट जारी गरेको नेपाली एक हजार र ५ सय दरका नोटजस्तो देखिने चाँदीको नक्कली नोटहरू निर्माण गरी कारोबार समेत भइरहेको भन्ने सूचनाको आधारमा छापा मार्दा शाक्यलाई पक्राउ गरिएको प्रहरीले जनाएको छ ।
प्रहरीले उनको पसलबाट सेतो प्लाष्टिकले लेमिनेसन गरेको चाँदीको जस्तो देखिने नेपाली एक हजार दरका १ सय १३ थान र ५ सय दरका २८ थान नक्कली नोटहरू फेला पारी बरामद गरेको छ ।
