-
कालोपाटी सम्बाददाता
काठमाडौँँ । काठमाडौं विश्वकै छटौं प्रदूषित सहर बनेको छ । स्विटजरल्याण्ड मुख्यालय रहेको आईक्यूएअरका अनुसार आज (बिहीबार) काठमाडौंको प्रदूषण १ सय ७० एक्यूआई मापन गरिएको छ ।
काठमाडौंको पनि खुमलटार क्षेत्र सबैभन्दा बढी प्रदूषित छ । खुमलटारको प्रदूषण १ सय ६९ एक्यूआई मापन गरिएको छ । त्यस्तै रत्नपार्क क्षेत्रको प्रदूषण १ सय ६५, भरतपुको १ सय ६४ र शंकरपार्कको प्रदूषण १ सय ६२ एक्यूआई मापन गरिएको वातावरण विभागले जनाएको छ ।
विज्ञका अनुसार एक्यूआई सूचकांक १०० भन्दामाथि पुग्नु भनेको मानव स्वास्थ्यका लागि हानिकारक मानिन्छ । यस्तो वायुमा धेरै समय बिताए स्वास्थ्यमा प्रतिकूल असर देखाउन सक्छ ।
