-
कालोपाटी सम्बाददाता
काठमाडौँ । आकर्षक तलबमा क्रोएसिया पठाइदिन्छु भन्दै १५ लाख ठगी गरेको आरोपमा एक जना पक्राउ परेका छन् । पक्राउ पर्नेमा भोजपुरको साल्पासिलिछो गाउँपालिका ५ घर भई काठमाडौं गोकर्णेश्वर नगरपालिका २ बस्ने २९ वर्षीय निमपासी शेर्पा रहेका छन् ।
क्रोएसिया पठाइदिन्छु भन्दै २ जना पीडितहरूबाट १५ लाख रुपैयाँ लिई सम्पर्कविहीन भएको भन्ने उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई टेकुबाट पक्राउ गरेको हो ।
