-
कालोपाटी सम्बाददाता
काठमाडौँ । वैदेशिक रोजगारीमा जापान पठाइदिन्छु भन्दै ठगी गरेको आरोपमा एक जना पक्राउ परेका छन् । पक्राउ पर्नेमा दाङको तुलसीपुर उपमहानगरपालिका ६ घर भई हाल काठमाडौंको बालाजु बस्ने ३७ वर्षीय रमेश चौधरी रहेका छन् ।
जापान पठाइदिने भन्दै चौधरीले पीडितसँग १३ लाख ३२ हजार ५ सय रुपैयाँ ठगी गरेर बेपत्ता भएको उजुरीको आधारमा उनलाई २९ पक्राउ गरिएको प्रहरीले जनाएको छ ।
उनलाई थप अनुसन्धान तथा कारबाहीका लागि जिल्ला प्रहरी परिसर भद्रकालीमा राखिएको प्रहरीले जनाएको छ ।
