-
कालोपाटी सम्बाददाता
काठमाडौँ । नेपाल प्रहरीले ठुलो सङ्ख्यामा कर्मचारी माग गरेको छ । प्रहरी प्रधान कार्यालयले जनपद प्रहरी समुहतर्फ रिक्त प्रहरी जवान र प्रहरी कार्यालय सहयोगी पदहरूका लागि कर्मचारी माग गरेको हो ।
प्रहरी प्रधान कार्यालय नक्शालले शुक्रबार एक सुचना जारी गर्दै १ हजार ८ सय ५६ जना जवान पदमा दरखास्त माग गरेको छ । यसैगरी भान्छे ५३, हजाम ७, कुचिकार २० र खेलाडी १४ जनाका लागिसमेत दरखास्त माग गरेको हो । खेलाडीमा एथलेटिक्स, उसु, भारोत्तोलन, कराँते, तेक्वान्दो, जुडो, भलिबल, फुटबल, टेबल टेनिस र बक्सिङ विधामा मात्र दरखास्त दिन पाइने छ ।
दरखास्त दिने म्याद फागुन २ गतेदेखि चैत ९ गतेसम्म रहेको सुचनामा उल्लेख छ । जवान र प्रहरी कार्यालय सहयोगी पदका लागि सातवटै प्रदेश प्रहरी तालिम केन्द्रमा र काठमाडौँ उपत्यकाका तीन जिल्लासहित सबै जिल्ला प्रहरी कार्यालयहरुमा दरखास्त बुझाउन सकिने छ । बाँकि नेपाल प्रहरी प्रधान कार्यालयले प्रकाशित गरेको सुचनामा हेर्नुहोस्:
