साँगामा यसरी बन्दैछ अन्डरपास (सात तस्विर)

काठमाडौँ । करिब तीन वर्षदेखि ६ लेनमा स्तरोन्नति भइरहेको सूर्यविनायक–धुलिखेल सडक खण्डमा अहिले धमाधम काम भइरहेको छ। अहिले यो सडक दुई लेनको रहेको छ।

यही सडक खण्डकोसाँगा उकालोमा अन्डरपास निर्माण भइरहेको छ । आयोजनाका अनुसार अन्डरपासको कुल लम्बाइ १ हजार ११० मिटर रहेको छ। अन्डरपासमा बनेपातर्फ १९० मिटर र भक्तपुरतर्फ ९०० मिटर एप्रोच सडक समावेश गरिएको छ। यसको उचाइ ६ मिटर र चौडाइ १०.५ मिटर रहनेछ। साथै अन्डरपासभित्रै २० मिटरको पुल पनि निर्माण गरिनेछ ।