-
कालोपाटी सम्बाददाता
काठमाडौँ । शेयर बजार मापक नेप्से परिसूचक सामान्य अंकले गिरावट आएको छ ।
सोमबार करिब १०० अंकले गिरावट आएको नेप्से परिसूचक ५.५९ अंक घटेर २ हजार ८१५.०६ विन्दुमा झरेको छ । त्यसैगरी, सेन्सेटिभ इण्डेक्स १.०९ अंक, फ्लोट इण्डेक्स ०.३७ अंक र सेन्सेटिभ फ्लोट इण्डेक्स ०.२४ अंक घटेको छ ।
मंगलबार कारोबारमा आएका २२९ कम्पनीको ९७ लाख ८४ हजार ६५१ कित्ता शेयर ५ अर्ब ३९ करोड ५६ लाख ७२ हजार रुपैयाँ बराबरको कोरोबार भएको छ । मंगलबार नेप्सेसँगै कारोबार रकममा पनि गिरावट आएको छ । सोमबार करिब ९ अर्ब रुपैयाँ बराबरको कारोबार भएको थियो ।
मंगलबार नेप्सेका १३ उपसमूहमध्ये १२ वटा उपसमूहको परिसूचक गिरावट आएको छ । जसमा जीवन बीमा उपसमूहको परिसूचक मात्रै ०.४४ प्रतिशत बढेको छ । यसबाहेक अन्य सबै उपसमूहको परिसूचकमा गिरावट आएको छ ।
आज नेप्से परिसूचकमा गिरावट आए पनि दुई कम्पनीको शेयर मूल्य भने सकारात्मक सर्किट लेभलमा कारोबार भएको छ । जसमा विन नेपाल लघुवित्त र बुद्धभूमि नेपाल हाइड्रोपावर कम्पनी रहेको छ । त्यस्तै पोखरा फाइनान्स, कालिका लघुवित्त र सामलिङ पावर कम्पनीको शेयरमूल्य पनि बढेको छ । तर कृषि विकास बैंकको ऋणपत्र, गोर्खाज फाइनान्सको शेयरमूल्य घटेको छ ।
कारोबार रकमका आधारमा २७ करोड बराबरको शेयर कारोबार गरेर एशियन लाइफ इन्स्योरेन्स शीर्ष स्थानमा रहेको छ । त्यस्तै अपि पावर कम्पनको पनि करिब २३ करोड बराबरको शेयर खरिदबिक्री भएको छ ।
