-
कालोपाटी सम्बाददाता
काठमाडौं । निर्वाचन आयोग, नेपालले आसन्न स्थानीय तहको निर्वाचनमा सहभागी हुने विभिन्न पदका उम्मेदवारहरुको अन्तिम नामावली प्रकाशित गर्दैछ । वैशाख ३० गते हुने स्थानीय तहको निर्वाचनका लागि देशभरबाट डेढ लाख बढीले उम्मेदवारी मनोनयन दर्ता गराएका थिए ।
वैशाख ११ र १२ गते उम्मेदवारीका लागि मनोनयन दर्ता गराएका उम्मेदवारहरुले आज साँझ ५ बजेसम्म उम्मेदवारी फिर्ता लिन सक्नेछन् । उम्मेदवारी फिर्ताको समय सकिएलगत्तै आजै आयोगले अन्तिम नामावली प्रकाशित गर्ने जानकारी दिएको छ ।
