-
कालोपाटी सम्बाददाता
काठमाडौं । एकीकृत समाजवादीबाट मन्त्री सिफारिस भएकाहरुलाई सोमबार शपथ ग्रहण गराउने तयारी भइरहेको छ । राष्ट्रपति विद्यादेवी भण्डारीले शितल निवासमा आयोजना हुने समारोहमा शपथ ग्रहण गराउने भएकी छिन् ।
सत्ता गठबन्धन दल नेकपा एकीकृत समाजवादीले मन्त्रिपरिषदमा आफ्नो भागमा रहेका पाँच जना मन्त्रीलाई फिर्ता बोलाएर नयाँलाई पठाउने निर्णय गरेको थियो । नयाँ बन्न लागेका मन्त्रीहरुमा जीवनराम श्रेष्ठ, मेटमणि चौधरी, शेरबहादुर कुँवर, भवानी खापुङ र हिरा केसी छन् । यसअघि स्वास्थ्य राज्यमन्त्री खापुङ मन्त्रीमा र केसी राज्यमन्त्रीमा रहने गरी एकीकृत समाजवादीले सिफारिस गरेको छ ।
