-
कालोपाटी सम्बाददाता
काठमाडौं । बिहिबार नेप्से परिसूचक बढेको छ । बुधबारको तुलनामा नेप्से परिसूचक १२.५७ अंकले बढेर १९७८.९४ बिन्दुमा पुगेको हो । कुल २२१ कम्पनीको ३५ लाख ९४ हजार ५ सय ९४ कित्ता सेयर खरिद बिक्री हुँदा १ अर्ब १८ करोड ७१ लाख ४५ हजार माथिको सेयर कारोबार भएको छ ।
बिहिबार लुम्बिनी जनरल इन्स्योरेन्स कम्पनी लिमिटेडका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ३ प्रतिशत भन्दा धेरैले घटेको हो । यस्तै आज सबैभन्दा बढी कारोबार नेपाल टेलिकमको भएको छ । यस कम्पनीको १३ करोड ८८ लाख ९७ हजार १ सय ५१ रुपैयाँ बराबरको सेयर कारोबार भएको हो ।
