प्रतिनिधि सभा बैठक स्थगित, यस्तो छ कारण !

Ad
  • कालोपाटी सम्बाददाता

काठमाडौं । आइतबार बस्ने भनिएको प्रतिनिधि सभा बैठक स्थगित गरिएको छ । अर्को बैठक सोमबार दिउँसो १ बजे बस्ने गरि प्रतिनिधि सभा बैठक स्थगित भएको हो । प्रतिनिधि सभाका सचिव गोपालनाथ योगीले सूचना जारी गरी आइतबारको बैठक स्थगित भएको जानकारी दिएका हुन् ।

आज बिहान ११ बजे बस्ने तय भएको बैठक ‘विशेष कारणवश’ बस्न नसक्ने सूचनामा उल्लेख छ । कांग्रेस नेता प्रदीप गिरिको निधनका कारण श्रद्धाञ्जली, अन्त्येष्टि लगायतका कार्यक्रममा सांसदहरु व्यस्त हुनुपर्ने भएकाले बैठक स्थगित गरिएको हो ।

गएराति साढे ९ बजे कांग्रेस नेता गिरिको निधन भएको थियो । नेपाली कांग्रेस केन्द्रीय कार्यालयका अनुसार आज बिहान साढे ९ बजेदेखि दिउँसो २ बजेसम्म श्रद्धाञ्जलीको कार्यक्रम राखिएको छ । त्यसपछि अन्त्येष्टि गर्ने कार्यक्रम छ ।

Ad

सम्बन्धित शिर्षक

प्रतिक्रिया दिनुहोस्