-
कालोपाटी सम्बाददाता
काठमाडौँ । जल तथा मौसम विज्ञान विभागले शुक्रबार नेपालमा पश्चिमी वायुको प्रभाव रहेको जनाएको छ । विभागले हाल देशभर आंशिक बदलीदेखि मौसम सामान्यतया सफा रहेको जनाएको हो ।
शुक्रबार दिउँसोको मौसम देशभर आंशिक बदली रहनेछ । आज राति गण्डकी र कर्णाली प्रदेशका पहाडी भूभागमा आंशिकदेखि सामान्य बदली रहनुका साथै अन्य भागको मौसम सफा रहने छ ।
देशभरको तापक्रम घट्ने क्रममा रहेकाले चिसोबाट बच्न आवश्यक सतर्कता अपनाउन विभागले सबैलाई आग्रह गरेको छ । जल तथा मौसम विज्ञान विभागका अनुसार आज सूर्यास्त साँझ ५ बजेर १४ मिनेटमा हुनेछ ।
