-
कालोपाटी सम्बाददाता
काठमाडौँ । मंगलबार सेयर बजार मापक नेप्से परिसूचक घटेको छ । कारोबारको अघिल्लो दिनको तुलनामा आज नेप्से परिसूचक ७०.३१ अंकले घटेर २००७.६९ बिन्दुमा पुगेको हो ।
आज नेप्सेमा कुल ३ सय १६ कम्पनीको ११ करोड ४६ लाख ७ हजार ५ सय ९९ कित्ता सेयर खरिदबिक्री हुँदा ४ अर्ब ११ करोड ३६ लाख ७६ हजार ९ सयमाथिको सेयर कारोबार भएको छ ।
मंगलबार सबैभन्दा बढी कारोबार सोनापुर मिनिरल्स एण्ड आयल लिमिटेडको भएको छ । उक्त कम्पनीको ४१ करोड ९१ लाख २२ हजार ७ सय ३५ रुपैयाँ ४० पैसा बराबरको सेयर कारोबार भएको छ । यसैगरी आज सेयर बजारमा सबैभन्दा बढी नाफा गुराँस लघुवित्त वित्तिय संस्था लिमिटेड कम्पनीका लगानीकर्ताले कमाएका छन् । सो कम्पनीको सेयर मुल्य ८.७३ प्रतिशतले बढेको छ ।
त्यसैगरी, सेयर बजारमा बोट्लर्स नेपाल बालाजु लिमिटेड कम्पनीका लगानीकर्ताले सबैभन्दा बढी गुमाएका छन् । सो कम्पनीको सेयर मुल्यमा नेगेटिभ सर्किट लागेको छ ।
