-
कालोपाटी सम्बाददाता
काठमाडौँ । साताको कारोबारको पहिलो दिन (आज) आइतबार सेयर बजार मापक नेप्से परिसूचक बढेको छ । कारोबारको अघिल्लो दिनको तुलनामा आज नेप्से परिसूचक २२.७५ अंकले बढेर २०२६.८१ बिन्दुमा पुगेको हो ।
आज नेप्सेमा कुल ३ सय ११ कम्पनीको ११ लाख २१ हजार १ सय २ कित्ता सेयर खरिदबिक्री हुँदा ४ अर्ब २५ करोड ६६ लाख ७६ हजार ३ सयमाथिको सेयर कारोबार भएको छ ।
आइतबार सबैभन्दा बढी कारोबार नेपाल रिइन्सोरेन्स कम्पनी लिमिटेड प्रोमोटर सेयरको भएको छ । सो कम्पनीको ९५ करोड २० लाख रुपैयाँ ०० पैसा बराबरको सेयर कारोबार भएको छ । आज सेयर बजारमा सबैभन्दा बढी नाफा नेपाल फाइनान्स लिमिटेड कम्पनीका लगानीकर्ताले कमाएका छन् । उक्त कम्पनीको सेयर मूल्यमा पोजेटिभ सर्किट लागेको हो ।
त्यसैगरी सेयर बजारमा तारागाउँ रेजेन्सी लिमिटेड होटलका लगानीकर्ताले सबैभन्दा बढी गुमाएका छन् । सो कम्पनीको सेयर मुल्यमा नेगेटिभ सर्किट लागेको छ ।
