-
कालोपाटी सम्बाददाता
काठमाडौँ । साताको कारोबारको अन्तिम दिन (आज) बिहीबार सेयर बजार मापक नेप्से परिसूचक घटेको छ । कारोबारको अघिल्लो दिनको तुलनामा आज नेप्से परिसूचक १९.५६ अंकले घटेर १९७२.१४ बिन्दुमा पुगेको हो ।
नेप्सेमा कुल ३ सय १५ कम्पनीको ५३ लाख ४४ हजार ६ सय १३ कित्ता सेयर खरिदबिक्री हुँदा २ अर्ब ९ करोड ३६ लाखमाथिको सेयर कारोबार भएको छ ।
बिहीबार सबैभन्दा धेरै कारोबार गुर्खाज फाइनान्सको भएको छ । उक्त कम्पनीको १८ करोड १२ लाख ७४ हजार २ सय २ रुपैयाँ ६० पैसा बराबरको सेयर कारोबार भएको छ ।
त्यस्तै, आज खानीखोला हाइड्रोपावर कम्पनीका लगानीकर्ताले सबैभन्दा धेरै कमाएका छन् ।
