-
कालोपाटी सम्बाददाता
काठमाडौँ । राष्ट्रियसभा सदस्यहरूले जाजरकोट भूकम्पपीडितलाई चाँडोभन्दा चँडो राहत उपलब्ध गराउन सरकारसँग माग गरेका छन् । राष्ट्रियसभाको मंगलबारको बैठकको विषेश समयमा उनीहरूले समयमा नै राहत उपलब्ध गराउन माग गरेका हुन् ।
सांसद मायाप्रसाद शर्माले गत कात्तिकमा जाजरकोट केन्द्रबिन्दु भइ गएको भूकम्पका कारण भएको क्षतिको पीडितले हालसम्म राहत पाउन नसकेको भन्दै समयमा नै राहत उपलब्ध गराउनुपर्नेमा जोड दिएकी छिन् ।
‘भूकम्पपीडित रहेको स्थानमा खानेपानीको हाहाकार भएको छ, अझै कतिपय स्थानमा पालमा बसेर विद्यालय सञ्चालन भइरहेको छ त्यहाँको दर्दनाक अवस्था समाधान समयमा नै गरियोस्’, उनले भनिन्, ‘पहिलो चरणको २५ हजार अस्थायी संरचना निर्माणका लागि रकम उपलब्ध भए पनि पीडितहरूले दोस्रो किस्ताको रकम पाउन सकिरहेका छैनन् ।’
