-
कालोपाटी सम्बाददाता
काठमाडौँ । आइतबार सेयर बजार मापक नेप्से परिसूचक बढेको छ । आज नेप्से परिसूचक ११.५८ अंकले बढेर २५८८.३५ बिन्दुमा पुगेको हो ।
आज नेप्सेमा ३ सय २५ कम्पनीको एक करोड २४ लाख ८५ हजार ७ सय ३१ कित्ता सेयर खरिद बिक्री हुँदा ५ अर्बमाथिको सेयर कारोबार भएको छ ।
आइतबार सबैभन्दा धेरै कारोबार सीईडीबी हाइड्रोपावर डेभलपमेन्ट कम्पनी लिमिटेडको भएको छ । उक्त कम्पनीको २७ करोड ८० लाख २७ हजार ७ सय १५ रुपैयाँ ७० पैसा बराबरको भएको छ ।
त्यस्तै, आइतबारको बजारमा इस्टर्न हाइड्रोपावर लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।
