-
कालोपाटी सम्बाददाता
काठमाडौँ । सुर्खेत–दैलेख सिमास्थित वीरेन्द्रनगर नगरपालिका–१४, को रातानाङ्ग्ला नजिक भएको गाडी दुर्घटनामा परी तिन जनाको मृत्यु भएको छ।
शुक्रबार दिउँसो दैलेख बजारबाट सुर्खेततर्फ जाँदै गरेको कर्णाली प्रदेश ०२००१ ख ०९९८ नम्बरको गाडी अनियन्त्रित भई दुर्घटनामा परेको गुराँस गाउँपालिकाका वडा नं ८ का वडाध्यक्ष दिपेन्द्र वलीले जानकारी दिए। शुक्रबार दिउँसो सवा दुई बजे दैलेखबाट सुर्खेत आउँदै गरेको कर्णाली प्रदेश ०२००१ ख ९९८ नम्बरको गाडी सुर्खेत र दैलेखको सीमानामा दुर्घटनामा परेको हो।
दुर्घटनामा २४ जना भन्दा बढी घाइते छन्। घाइतेहरूलाई उपचारका लागि कर्णाली प्रदेश अस्पतालमा लगिएको छ । उक्त दुर्घटनामा मृत्यु भएकाहरूको पहिचान खुलिनसकेको जिल्ला प्रहरी कार्यालय सुर्खेतका प्रवक्ता डिएसपी वीरेन्द्रवीर विश्वकर्माले जानकारी दिए।
गाडी सडकबाट तल खसेको थियो। गाडीमा कति सवार थिए र कसरी दुर्घटना भयो भन्ने खुल्न बाँकी छ।
