-
कालोपाटी सम्बाददाता
काठमाडौँ । एक महिनादेखि उडान बन्द गरेको भैरहवाको गौतमबुद्ध विमानस्थलमा मंगलबारबाट पुनः फ्लाई दुबाईले उडान गर्ने भएको छ । १ महिनाको लागि स्थगित गरेको उडान आजबाट पुन सुरु गर्ने गरी तयारी भइरहेको गौतमबुद्ध अन्तर्राष्ट्रय विमानस्थलका महाप्रवन्धक प्रतापवाबु तिवारीले बताए ।
तिवारीका अनुसार फ्लाई दुबाईले पुरानै तालिकालाई निरन्तरता दिएर उडान गरेकोले आजैदेखि दैनिक उडान हुँदै छ । यो वायुसेवाले भैरहवालाई ट्रान्जिट बनाएर काठमाडौं उडान गर्ने छ ।
फ्लाई दुबईले गत कात्तिक २५ गतेदेखि नियमित उडान गर्दै आएकोमो जाडो मौसमका कारण भैरहवामा भिजिबिलिटी कम भएको भन्दै उडान सुरक्षालाई दृष्टिगत गर्दै एक महिना उडान स्थागत गरेको थियो । सोही स्थागित उडान आजैबाट सुरु भएको पनि गौतमबुद्ध अन्तर्राष्ट्रिय विमानस्थल कार्यालयले जानकारी दिएको छ । यो वायुसेवाको उडान तालिका भने दैनिक २ बजे हुने छ ।
