चीनको वुहानमा पुन: लकडाउन घोषणा

काठमाडौं । चीनको वुहानमा पुन: लकडाउन घोषणा गरिएको छ । चार जनामा कोरोना संक्रमण पुष्टी भएपछि कोरोना संक्रमणको फैलावट रोक्न चीनको वुहानमा लकडाउन घोषणा गरिएको हो ।

वुहानको जियाङ्गसिया क्षेत्रमा चार जनामा लक्षण विनाको कोरोना संक्रमण पुष्टि भएको छ । त्यसैले तीन दिनसम्म अत्यावश्यक बाहेक घर बाहिर ननिस्किन आह्वान गर्दै लकडाउन घोषणा गरिएको बीबीसीले जनाएको छ । जियाङ्गसिया क्षेत्रमा करिब १० लाख जनसंख्या रहेको बताइन्छ ।

चीनले कोरोनाबाट जोगिन जिरो कोभिड रणनीति पालना गरिरहेको छ । चीनको वुहानबाटै कोरोना संक्रमण सुरु भएर विश्वव्यापी महामारीको रुप लिएको थियो ।