-
कालोपाटी सम्बाददाता
काठमाडौँ । अजरबैजान पठाइदिन्छु भन्दै रकम ठगी गरेको आरोपमा एक जना व्यक्ति पक्राउ परेका छन् । खोटाङ घर भई हाल काठमाडौँ जिल्ला बुढानीलकण्ठ नगरपालिका वडा नं. २ मा बस्ने ५१ वर्षीय हरि कुमार दाहाल पक्राउ परेका हुन् ।
दाहालले खेम बहादुर डाँगीलाई वैदेशिक रोजगारीको लागि अजरबैजान पठाइदिन्छु भन्दै रकम ठगी गरेका हुन् । अजरबैजान जानको लागि ६ लाख ५० हजार रुपैयाँ लाग्छ र त्यहाँ पुगेपछि मासिक ७५ हजार कमाइ हुने होटलमा काम लगाइदिन्छु भन्दै प्रलोभनमा पारी ठगी गरेका थिए ।
उनलाई काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले बुढानीलकण्ठबाट पक्राउ गरेको हो । सो व्यक्तिलाई थप अनुसन्धान तथा कारबाहीको लागि वैदेशिक रोजगार विभाग ताहाचल पठाएको प्रहरीले जनाएको छ ।
