-
कालोपाटी सम्बाददाता
काठमाडौँ । जिल्ला प्रहरी कार्यालय पर्साबाट खटिएको प्रहरी टोलीले छोराको हत्या गरेको आशङ्कामा आमाबुवालाई पक्राउ गरेको छ । पर्सा प्रहरीले सिर्सिया नदी छेउस्थित मसानघाटमा गाडिएको अवस्थामा १२ वर्षीय बालकको शव निकालेर आमाबुवालाई पक्राउ गरेको हो ।
गोप्य सूचनाका आधारमा वीरगञ्ज महानगरपालिका-१२ मुर्ली निवासी शम्भु महतो धानुकका छोरा दिलीप मण्डलको शव निकालिएको हो । सो घटनाको अनुसन्धानका लागि उनलाई र श्रीमती सबतादेवीलाई नियन्त्रणमा लिइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक कुमारविक्रम थापाले जनाएका छन् । शव परीक्षणका लागि नारायणी अस्पतालमा पठाइएको छ ।
त्यस्तै, बालकको मृत्युबारे कसैलाई जानकारी नगराई अन्त्येष्टि स्थलमा छोराको शव गाडेका थिए । उक्त सुचना पाएपश्चात् खाल्डोबाट शव निकालेको प्रहरी नायब उपरीक्षक थाापाको भनाइ छ ।सो घटनाबारे थप अनुसन्धान भइरहेको छ ।
