-
कालोपाटी सम्बाददाता
काठमाडौँ । नेपाली राष्ट्रिय क्रिकेट टोलीका सदस्य सन्दीप लामिछानेलाई अमेरिकाले भिसा दिएको छ । नेपाल क्रिकेट संघले शुक्रबार विज्ञप्ति जारी गर्दै लामिछानेशुक्रबार (आज) बेलुकी अमेरिका प्रस्थान गर्ने जनाएको छ । यसअघि अमेरिकाले लामिछानेको भिसा रिजेक्ट गरेको थियो । उच्च अदालत पाटनले बलात्कार मुद्दामा सफाई दिएपछि अमेरिकाले उनलाई भिसा दिएको हो ।
अन्तर्राष्ट्रिय क्रिकेट परिषद् (आईसीसी)को कार्यक्रमअनुसार नेपाल, स्कटल्यान्ड र अमेरिकाबीच अक्टोबर २५ देखि नोभेम्बर ४ सम्म अमेरिकामा आईसीसी सीडब्लूसी लिग प्रतियोगितामा हुन लागेको छ । सोही प्रतियोगितामा सहभागी हुन लामिछाने अमेरिका जान लागेका हुन् ।
