विराटनगरविरुद्ध सुदूरपश्चिमको शानदार सुरुआत

काठमाडौँ । सुदूरपश्चिम रोयल्सले विराटनगर किंग्सविरुद्ध शानदार जित निकाल्दै नेपाल प्रिमियर लिगमा सुखद सुरुआत गरेको छ ।

सुदूरपश्चिमले विराटनगरलाई ९० रनले पराजित गरेको हो । सुदूरपश्चिमले दिएको १८३ रनको विशाल लक्ष्य पछ्याएको विराटनगर किंग्सले ९२ मात्रै बनायो । विराटनगरका बसिर अहमदले २४, निकोलस किर्टोनले १५ र क्रिस सोलेले १० रन बनाए । अरुले दोहोरो अंकमा रन जोड्न सकेनन् ।

यो विराटनगरको लगातार दोस्रो हार हो । यसअघि जनकपुर बोल्टसँग ८ विकेटले पराजित भएको थियो ।