धवनको ७२ रनका बाबजुद काठमाडौंसँग हार्‍यो कर्णाली

काठमाडौँ । कर्णाली याक्सलाई काठमाडौं गुर्खाजले पराजित गरेको छ। कर्णालीका लागि शिखर धवनले अविजित ७२ रन बनाए पनि जितका लागि पर्याप्त हुन सकेन्।

टस हारेर ब्याटिङ गरेको कर्णालीले ५ को विकेटको क्षतिमा १४९ रन बनायो। कर्णालीका चाडविक वाल्डन २१, बाबर हायात१३, गुलशन झा १२, अर्जुन घर्ती ४ रनमा स्वटरबाट बोल्ड भए भने ओपनर देव खनाल डक आउट भए।

लक्ष्य भेट्टाउने क्रममा काठमाडौंले १९।३ ओभरमा ७ विकेट गुमाएर १५३ रन बनाएर पहिलो जित हात पारेको हो। कर्णाली आफ्नो पहिलो खेलमा जनकपुर बोल्ट्ससँग ८ विकेटले हारेको थियो।

​