बनेपाबाट आधा किलो सुनसहित दुई जना पक्राउ

काठमाडौँ । प्रहरीले काभ्रेको बनेपा नगरपालिका–१३ स्थित साँगा चोकबाट आधा केजीभन्दा धेरै सुनसहित दुई जनालाई पक्राउ गरेको छ ।

आइतबार साँझ प्रहरीले काभ्रेकै रोशी गाउँपालिका–९ का ३८ वर्षीय वसन्त लामा र रामेछापको मन्थली नगरपालिका–१ का २९ वर्षीय अमृत श्रेष्ठलाई ५५८ ग्राम सुनसहित पक्राउ गरिएको हो । जिल्ला प्रहरी कार्यालय काभ्रेबाट खटिएको प्रहरीले काठमाडौंबाट बनेपातर्फ जाँदै गरेको बीएबी ८६०८ नम्बरको कारलाई जाँच गर्ने क्रममा कारको सिटमुनि प्लास्टिकको झोलामा लुकाएको अवस्थामा सुन बरामद गरेको जनाइएको छ ।

घटनाबारे अनुसन्धान भइरहेको प्रहरीले जनाएको छ ।