-
कालोपाटी सम्बाददाता
काठमाडौँ । त्रिभुवन विश्वविद्यालयले शैक्षिक क्यालेन्डर विपरीत स्नातकमा विद्यार्थी भर्ना नगर्न निर्देशन दिएको छ । त्रिविका शिक्षाध्यक्ष प्रा.डा खड्क केसीले डिन कार्यालयहरूलाई समय सकिएपछि विद्यार्थी भर्ना नगर्न दिर्नेशन दिएका हुन् ।
‘शैक्षिक क्यालेन्डर बमोजिम तोकिएको समयमा भर्ना भएका विद्यार्थीको मात्र परीक्षामा संलग्न हुन पाउने व्यवस्था रहेकोले भर्नाका लागि तोकिएको मितिभन्दा पछाडि विद्यार्थी भर्ना नगर्न निर्देशन त्रिविले दिएको छ ।
शिक्षाध्यक्ष केसीको निर्देशनसँगै भर्ना नभएका तर कक्षामा सहभागी भइरहेका विद्यार्थी परीक्षामा सहभागी हुन नपाउने भएका छन् ।
