चार क्विन्टल भन्दा बढी रक्तचन्दनसहित दुई जना पक्राउ

काठमाडौँ । काठमाडौंबाट  चार क्विन्टल भन्दा बढी रक्तचन्दनसहित दुई जना पक्राउ परेका छन् । उपत्यका अपराध अनुसन्धान कार्यालयको टोलीले रक्तचन्दन तस्करीमा संलग्न रहको आरोपमा सिन्धुपाल्चोकका दुई जनालाई पक्राउ गरेको हो । उनीहरुको नाम ठेगाना भने प्रहरीले खुलाइसकेको छैन ।

काठमाडौंको काडाँघारीबाट रक्तचन्दन बरामद गरिएको हो । बुधबार बिहानै प्रहरीले बोरामा प्याक गरेर ल्याइएको रक्तचन्दन बरामद गरेको स्रोतले जनाएको छ ।