-
कालोपाटी सम्बाददाता
काठमाडौँ । २.५ फिटभन्दा साना बालबालिकाले क्यूएफएक्स चेनका हलमा प्रवेश नपाउने भएका छन् । मुलुकको सबैभन्दा धेरै हल भएको यो मल्टिप्लेक्स चेनले बुधबार सूचना जारी गर्दै यस्तो निर्णय गरेको हो ।
सो उचाइभन्दा अग्ला वृद्धदेखि बालकसम्मका दर्शकलाई भने तोकिएको टिकट दर लागू हुने जनाइएको छ । क्यूएफएक्सका बजार प्रमुख सुलभ कक्षपतिले साना बालबच्चाको स्वास्थ्य र हलभित्रको मनोरञ्जनको वातावरणलाई ख्याल गरेर साना बालबच्चालाई प्रवेशमा रोक लगाइएको बताए ।
यसअघि साना बालबच्चालाई हलभित्र निःशुल्क प्रवेश थियो ।
