नेपाल–भारत सीमा क्षेत्र दार्चुलाको छाङरुमा सीमा गस्ती सुरु

धनगढी, जेठ ०१ ।
नेपाल–भारत सीमा क्षेत्र दार्चुला जिल्लाको व्याँस गाउँपालिका-१ छाङरु गागामा हालै स्थापना भएको सशस्त्र प्रहरी बल नेपालको सीमा निगरानी चौकी (विओपी) स्थापना गरी बिहीबार बिहान देखी सीमा क्षेत्रमा गस्ती जान थालेको छ ।
व्याँस गाउँपालिका–१ छाङरु गागास्थित नेपाल–भारत सीमा जोडिएको महाकाली नदीमाथिको काठेपुल (सीतापुल) मा गृहमन्त्रीका सुरक्षा सल्लाहकार प्राडा इन्द्रजित राईसँग  भारतीय एसएसबीका प्रतिनिधि तथा छाङरुस्थित सुरक्षा निगरानी पोष्टका प्रमुख सशस्त्र प्रहरी निरीक्षक लिलीबहादुर चन्द बिच गस्तिको समयमा संवाद भएको छ ।
बुधबार स्थापना भएको सशस्त्र प्रहरी बल नेपालको सीमा निगरानी चौकी (विओपी) बाट खटिएको टोलीले यहाँ बिहीबारदेखि गस्ती थालेको छ। 
–रासस