-
कालोपाटी सम्बाददाता
काठमाडौं । ग्लोबल आइएमई बैंक लिमिटेडले र डिजिटल नेटवर्क सोलुसन प्रालिबीच सम्झौता भएको छ । भिडियो केवाईसी प्रणाली ग्लोबल लाइभ बैंकिङ सुचारुको लागि सम्झौता गरेको हो । सम्झौतापत्रमा ग्लोबल आइएमई बैंकका नायव महाप्रबन्धक कल्याण विक्रम पाँडे र डिजिटल नेटवर्कका प्रमुख कार्यकारी अधिकृत अरुण खत्रीले हस्ताक्षर गरेका छन् ।
सम्झौतापश्चात ग्लोबल आइएमई बैंकका ग्राहकले अनलाइन भिडियो कलमार्फत आफ्नो केवाईसी अपडेट गर्न सक्नेछन् । बैंकले सुचारु गरेको यस सेवाले ग्राहक प्रत्यक्ष रुपमा लाभान्वित हुने बैंकको विश्वास रहेको छ । आफ्ना ग्राहकको सुविधालाई मध्यनजर गरी बैंकले समयसमयमा यस किसिमका नयाँ योजनाहरु ल्याउँदै आएको छ ।
