-
कालोपाटी सम्बाददाता
काठमाडौं । काठमाडौं महानगरपालिकाले आइतबार आज नीति तथा कार्यक्रम सार्वजनिक गर्ने भएको छ । महानगरले दिउँसो राष्ट्रिय सभागृहमा नीति तथा कार्यक्रम प्रस्तुत गर्ने भएको हो । यसैबीच नीति तथा कार्यक्रमबारे छलफल गर्न आज बिहान काठमाडौं महानगरपालिकाको कार्यपालिकाको बैठक बसेको थियो ।
स्वतन्त्र उम्मेदवार बनेर राजनीतिक दलका उम्मेदवारलाई हराउँदै मेयर पद जितेका मेयर बालेन्द्र साहको नेतृत्वमा कस्तो नीति तथा कार्यक्रम र बजेट आउला भन्ने सबैको चासोको विषय बनेको छ ।
