-
कालोपाटी सम्बाददाता
काठमाडौँ । राष्ट्रपति रामचन्द्र पौडेलसँग जर्मनीको फ्रेडरिच एबर्ट स्टिफटुङका ग्लोबल प्रेसिडेन्ट डा.मार्टिन स्लुजले शिष्टाचार भेट गरेका छन् । राष्ट्रपति निवास शितल निवासमा राष्ट्रपति पौडेलसँग प्रेसिडेन्ट डा.मार्टिन स्लुजले शिष्टाचार भेट गरेका हुन् ।
सो भेटमा राष्ट्रपति पौडेलले नेपाल र जर्मनीबीच दौत्यसम्बन्ध स्थापना भएदेखि सुमधुर मैत्रीपूर्ण सम्बन्ध रहेको उल्लेख गरेका छन् ।
उनले फ्रेडरिच एबर्ट स्टिफटुङले काठमाडौँस्थित आफ्नो कार्यालयबाट राजनीति, सुशासन, अर्थतन्त्र एवं लोकतन्त्रको क्षेत्रमा सक्रियताका साथ उल्लेखनीय काम गर्दै आएकोमा खुसीसमेत व्यक्त गरेका छन् ।
